JavaScript är inaktiverat i webbläsaren, läs mer här.
The tool enables a direct, mechanical translation of the text to be made on the website. Neither the Swedish Courts Administration nor any other authority within the Courts of Sweden (Sveriges Domstolar) can be held liable for the correctness of the translation.
Esittelyssä jyristi tuopi framile asian faktat ja tuomioistuimen selvityksen jos semmonen oon tehty. Jyristi esittää kans ajankohtasen laki-tilantheen alala jota asia koskee. Joskus hallinto-oikeus kuttuu suulisheen käsittelhyyn. Sen saattaa tehhä joko tuomioistuimen eli asian osapuolen vaatimuksesta.
Esittelyn eli suulisen käsittelyn jälkhiin, tuomioistuin harkittee asiaa. Se tarkottaa ette tuomarit keskusteleva asiasta ja sopiva siittä mitenkä het tuomitteva. Jos kaikin ei ole sammaa mieltä, asiasta äänestethään. Jyristituomarilla ja kolmela lautamiehelä oon jokhaisella yks ääni.
Joskus tuomio ilmotethaan paikala suulisesti harkinan jälkhiin. Muuten tuomiosta ilmotethaan myöhemin, päivänä jonka hallinto-oikeus päättää. Tuomioistuin lähättää aina tuomion postissa niile joita asia koskee.