JavaScript är inaktiverat i webbläsaren, läs mer här.
The tool enables a direct, mechanical translation of the text to be made on the website. Neither the Swedish Courts Administration nor any other authority within the Courts of Sweden (Sveriges Domstolar) can be held liable for the correctness of the translation.
Hálddahusriektái sáhtát váidalit mearrádusa maid Oadjohálddahus, Vearrodoaimmahat, Migrašuvdnadoaimmahat dahje suohkana sosiálavirgegoddi lea váldán. Jos leat duhtameahttun hálddahusrievtti duomuin sáhtát dan čálalaččat váidalit kámmárriektái.
Hálddahusrievtti duomus logat goas ja makkár kámmárriektái váidalat.Váidalusas galggat dieđihit makkár mearrádusa don váidalat ja got don háledat kámmárriekti galgá dan rievdadit. Jos ášši gáibida geahččalanlobi de muitalat manin don oaivvildat kámmárriekti galgá miehtat geahččalanlohpái. Čállosii maid berret muitalit maid don háledat kámmárriekti galgá diehtit ja váldit vuhtii. Hálddahusrievtti duomus sáhtát eanet lohkat got galggat dahkat.
Don galggat váidalusat sáddet hálddahusriektái mii mearrádusa lea váldán. Hálddahusriekti geahččala jos váidalus lea ilbman áigemearis. Jos dan lea de sádde váidalusa kámmárriektái.
Iskka dárkilit man guhkes áigi dus lea váidalit (dan logat duomus). Dávjá dat lea golbma vahku dan beaivvis go dieđu duomus leat ožžon. Ovdamearkka dihte lea vearroáššiin váidalanáigi guokte mánu.
Jos ii goabbáge áššeoasálaččain váidal duomu golmma vahkus de bajit dási duopmostuollu ii sáhte duomu rievdadit. Dat gohčoduvvo duopmu lea láhkafámolaš ja mearkkaša dat sáhttá čađahuvvot.